Ֆինանսների նախարարության եկամուտների ծառայության փոխանցմամբ՝ մաքսային վերահսկողության շրջանակներում միջազգային բեռնափոխադրումներ իրականացնող բեռնափոխադրողների տեղաշարժի ժամանակ խստորեն վերահսկվում է չհաշվառված վառելիքի ներմուծումը։

Գործակալության տվյալներով՝ մաքսավորները Կարմիր կամուրջ մաքսային անցակետում վառելիքի տարաներում հայտնաբերել են չհայտարարագրված 1200 լիտր դիզելային վառելիք։

«Չգրանցված ապրանքների ներմուծումը հիմնականում բեռնատարների վարորդների կողմից իրականացվում է արհեստականորեն դասավորված վառելիքի բաքերի միջոցով։ Վրաստանի մաքսային օրենսգրքի 168-րդ հոդվածի համաձայն՝ այս փաստը իրավախախտում է և նախատեսում է տուգանք՝ սանկցիայի տեսքով։

Վերջին ամսվա տվյալներով՝ «Կարմիր կամուրջ» մաքսակետում ավելի քան 55 070 լիտր չհայտարարագրված դիզվառելիքի ներկրման փորձը կասեցվել է», – հայտնել են եկամուտների ծառայությունից։