Չեխիայի Հանրապետության դեսպան Պետր Միկիսկան կանչվել է Վրաստանի արտաքին գործերի նախարարություն,- հայտնում է Վրաստանի արտաքին գործերի նախարարությունը։

Նրանց տեղեկություններով՝ դրա պատճառը լրատվամիջոցներում հրապարակված նրա հայտարարությունն է, որում նա ասել է, որ Չեխիայից Վրաստան եկող ապրանքների մի մասը, շրջանցելով պատժամիջոցները, գնում է Ռուսաստան։

«Արտաքին գործերի փոխնախարար Ալեքսանդր Խվթիսիաշվիլին ևս մեկ անգամ չեխական կողմին ներկայացրեց այն համալիր քայլերը, որոնք Վրաստանը ձեռնարկում է նմանատիպ փաստեր թույլ չտալու կապակցությամբ և դեսպանից պահանջեց մանրամասն բացատրություն, թե ինչի վրա է հիմնված Պետր Միկիսկայի հայտարարությունը, որը չի համապատասխանում իրականությանը և վնասում է երկու երկրների համագործակցությանը, ինչպես նաև Վրաստանի հեղինակությանը։ Չեխիայի դեսպանը նշել է, որ ցավոք սրտի, իր խոսքերը սխալ են մեկնաբանվել և տարածվել են կոնտեքստից դուրս։ Փոխնախարարի հետ հանդիպման ժամանակ դեսպանը նաև հաստատել է, որ Վրաստանի դեմ պատժամիջոցների հետ կապված հարցեր չկան»,- նշվում է ԱԳՆ-ի հաղորդագրության մեջ։