Վարչական սահմանի երկայնքով տեղաշարժի սահմանափակումն անընդունելի է, – ասաց Վրաստանում Չեխիայի դեսպան Պիտեր Միկիսկան՝ մեկնաբանելով Էնգուրի գետն անցնելիս Վրաստանի երեք քաղաքացիների մահվան դեպքը:

«Մեր դիրքորոշումը մնում է նույնը, անընդունելի է սահմանափակել տեղաշարժը վարչական սահմանի երկայնքով, ստիպել մարդկանց կատարել ցավալի ու վատ քայլեր, ապա նրանց վերաբերվել որպես հանցագործների: Անջատողական շրջանում մարդկանց ձերբակալությունների և «դատապարտումների» դեպքերը բացարձակապես անընդունելի են մեզ համար», – ասաց Պիտեր Միկիսկան:

Շամգոնա գյուղի մոտակայքում փրկարարները Էնգուրի գետից դուրս են բերել երեք մարդու մարմին: Բացի այդ, ընթանում է մեկ այլ քաղաքացու որոնողափրկարարական աշխատանք: Ըստ առկա տեղեկատվության, քաղաքացիները փորձում էին Էնգուրի գետով, օկուպացված Թագիլոնի գյուղից անցնել դեպի Շամգոնա: