Չեռնիգովի վարչակազմի ղեկավար Վյաչեսլավ Չաուսի խոսքով՝ ռուսական կողմից կրակը չի դադարել ողջ գիշերվա ընթացքում։ Չաուսը հայտնել է, որ կրակոցները վնասել են տներ, ենթակառուցվածքներ, գրադարանի շենքը և առևտրի կենտրոնը:

«Թշնամին ամբողջ գիշեր հարձակվել է Չեռնիգովի վրա, բայց մենք վերակառուցում ենք քաղաքը, և այն ավելի լավ կլինի, քան եղել է», – ասել է Չաուսը։

Նույն հարցազրույցում Չաուսն ասում է, որ երբեք չէր պատկերացնում, որ ստիպված կլինի փնտրել սառնարաններ՝ դիակները պահելու համար, քանի որ դիահերձարաններում տեղեր չկան:

Հիշեցնենք, որ երեկ Ռուսաստանի կառավարությունը հայտարարել էր Չեռնիգովի և Կիևի շրջաններում ռազմական գործողությունների կրճատման մասին։

«Հաճախ ռուսներն ասում են մի բան, իսկ իրականում այլ բան է լինում։ Թե որքանով է ճիշտ Ռուսաստանը, ցույց կտա ժամանակը։ Մենք շատ զգույշ ենք նրանց խոսքերում»,- ասել է Չեռնիգովի վարչակազմի ղեկավարը։