Չարտոնված հնագիտական աշխատանքների ընթացքում հայտնաբերվել է Դավիթ Աղմաշենեբելիի ժամանակաշրջանի պատմական, ինքնատիպ մետաղադրամ, որը պատկանում է մշակութային ժառանգության հուշարձանին
Չարտոնված հնագիտական աշխատանքների շուրջ ընթացող հետաքննության շրջանակներում Պետական անվտանգության ծառայության հակակոռուպցիոն գործակալության աշխատակիցները հանել են պատմական արտեֆակտ՝ Դավիթ IV Աղմաշենեբելի թագավորի ժամանակաշրջանի մետաղադրամ։
Ըստ ՊԱԾ-ի՝ մետաղադրամի իսկությունը պարզելու համար փորձագիտական հետազոտություն է անցկացվել, որին մասնակցել են Լևան Սամխարաուլիի ազգային փորձագիտական բյուրոյի փորձագետները և Վրաստանի ազգային թանգարանի գիտնականները։
Ըստ փորձաքննության՝ պղնձից պատրաստված մետաղադրամը հատվել է Դավիթ Աղմաշենեբելիի կողմից և բնօրինակն է։ Հուշադրամը պատմական կարևորագույն արժեք ունի և պատկանում է մշակութային ժառանգության հուշարձանին։ Մետաղադրամի շուկայական արժեքը անգնահատելի է։ Համաշխարհային պատմությանը մինչ այժմ հայտնի է Վրաստանի թագավոր Դավիթ Աղմաշենեբելիի կողմից հատված միակ եզակի մետաղադրամը, որը պահպանվում է Բրիտանական թանգարանում, մասնավորապես՝ Լոնդոնում։ Թեև գործը քննության փուլում է, և մետաղադրամը հատուկ պատմական արժեք ներկայացնող մշակութային ժառանգության ապացույց է, այն կփոխանցվի Վրաստանի ազգային թանգարանին՝ պատշաճ պահպանման և հանրային հասանելիության համար, որպեսզի աշխարհը կարողանա տեսնել 12-րդ դարի վրացական արտեֆակտ, որն առաջին անգամ հայտնաբերվել է Վրաստանում:
Հետաքննությամբ հայտնաբերվել են նաև պատմական, մշակութային և գիտական արժեք ներկայացնող տարբեր արտեֆակտներ, որոնց շուկայական արժեքը չի հաջողվել պարզել։ Հայտնաբերված արտեֆակտներից են՝ 12 միավոր մատանի, բրոնզե կախազարդ զանգով, վեց միավոր բնօրինակ կոճակ, տարբեր ժամանակաշրջանի մետաղադրամներ:
Հատկանշական են 13-րդ դարով թվագրվող մետաղադրամները, մասնավորապես՝ մոնղոլական ծագման արծաթե մետաղադրամ՝ «Մեծ մոնղոլ Ուլուս Բեգ» մակագրությամբ: Նշված արտեֆակտները նույնպես կհանձնվեն Ազգային թանգարանին»,- ասված է հաղորդագրությունում։
![](https://cdn.1tv.ge/app/uploads/2021/12/1640330800-269850104_4697739883613441_593619980620770777_n.jpg)
![](https://cdn.1tv.ge/app/uploads/2021/12/1640329755-%E1%83%9B%E1%83%9D%E1%83%9C%E1%83%94%E1%83%A2%E1%83%901-1024x599.jpg)
![](https://cdn.1tv.ge/app/uploads/2021/12/1640330829-269861172_4697740100280086_7821747075878316655_n.jpg)
![](https://cdn.1tv.ge/app/uploads/2021/12/1640329660-%E1%83%9B%E1%83%9D%E1%83%9C%E1%83%94%E1%83%A2%E1%83%90-1024x660.jpg)