Վրաստանի Ազգային բուսաբանական այգում կանցկացվեն Տոնինո Գուերայի անվան կանաչ երեկոներ։ Միջոցառումները կտևեն երեք օր։

Հունիսի 6-ին՝ ժամը 14:00-ից, իտալացի նշանավոր բանաստեղծի և գրողի անունը կրող «Մոռացված մրգերի ծառուղում» կտնկվեն վրացական պտղատու ծառերի հազվագյուտ և մոռացված տնկիներ։ Տնկելուց հետո տեղի կունենա երկու գրքի շնորհանդես՝ «Արգոնավտիկա, Մեդեայի առասպելն ու պատմությունը» և Տոնինո Գուերայի «Տաք անձրև» վեպի շնորհանդեսը։

Ծառատունկին կմասնակցեն Թբիլիսիի բուսաբանական այգու տնօրենը, Վրաստանում Իտալիայի դեսպանը, տարբեր ոլորտների հայտնի ներկայացուցիչներ և այն մարդկանց ընտանիքի անդամները, որոնց անունները կտնկվեն։

«Կանաչ երեկոների» շրջանակներում հունիսի 7-ին Բուսաբանական այգու բաց տոնական տարածքում կկայանա Սիմոնե Ձանկինի և վրացի երաժիշտների համերգը, իսկ հունիսի 8-ին՝ Դաթո Էվգենիձեի համերգը։

«Մոռացված այգին» ստեղծվել է Իտալիայում մեր երկրի բարեկամ, իտալացի հայտնի բանաստեղծ, գրող և սցենարիստ Տոնինո Գուերայի կողմից։ Բույսերի մոռացված սորտերը վկայում են մշակույթի և արվեստի մշտականության մասին, ինչպես նաև ցույց են տալիս ժամանակակից հասարակության առաջատար դերը կենսաբազմազանության պաշտպանության և պահպանման գործում:

2020 թվականին Վրաստանի ազգային բուսաբանական այգում ստեղծվել է «Մոռացված պտղատու ծառուղու» անալոգը և շուտով դարձել բոլորի սիրելի վայրը։ Դրանից հետո միջոցառումն ավանդաբար անցկացվում է ամեն տարի, իսկ հասարակական գործիչների անուններով բույսերը տնկվում են նրանց ժառանգների կողմից։

Տոնինո Գուերայի անվան «Մոռացված մրգերի ծառուղում» տնկվել են Սոֆիկո Ճիաուրելիի, Սերգո Փարաջանովի, Նոդար Դումբաձեի, Ռեզո Գաբրիաձեի, Գիորգի Շենգելայայի, Զազա Ուրուշաձեի, Նատո Վաչնաձեի և այլ հասարակական գործիչների անուններով պտղատու ծառեր։

Միջոցառումը կազմակերպվում է Tonino Guerra International հիմնադրամի կողմից՝ Վրաստանում Իտալիայի դեսպանատան և Թբիլիսիի քաղաքապետարանի աջակցությամբ։