Բուլղարիայի վարչապետը հայտարարում է, որ Բուլղարիան այլևս չի մասնակցի «ցանկացողների կոալիցիային» – «Մենք այն կոալիցիայի մաս չենք, որը պահանջում է Ուկրաինայի ֆինանսական և ռազմական աջակցություն»
Բուլղարիայի վարչապետ Ռումեն Ռադևի խոսքով՝ իր երկիրն այլևս չի մասնակցի «ցանկացողների կոալիցիային»։
Ինչպես պարզաբանում է վարչապետը, Բուլղարիային «ցանկացողների կոալիցիայի» առաջնորդների հուլիսի 13-ի հանդիպմանը հրավիրել էր Ֆրանսիայի նախագահ Էմանուել Մակրոնը, սակայն, Ռադևի խոսքով, «Բուլղարիայի տեղը «ցանկացողների կոալիցիայում» չէ»։
Նրա պարզաբանմամբ՝ Բուլղարիան չի լինի այն կոալիցիայի մասը, որն աջակցում է Ուկրաինային ռազմական օգնության շարունակմանը՝ խաղաղության հասնելու դիվանագիտական ջանքերի փոխարեն։
«Մենք այն կոալիցիայի մաս չենք, որը պահանջում է Ուկրաինայի ֆինանսական և ռազմական աջակցություն։ Մենք նման օգնություն չենք ցուցաբերում, քանի որ կարծում եմ, որ հակամարտության կարգավորման ուղին անցնում է ուժեղ դիվանագիտական ջանքերով, որոնք ուղղված են էսկալացիայի դադարեցմանը, այլ ոչ թե ռազմական կարողությունների շարունակմանը», – հայտարարում է Բուլղարիայի վարչապետը։
Ռումեն Ռադևի պարզաբանմամբ՝ Բուլղարիան նաև հեռավորություն կպահպանի հակահրթիռային պաշտպանության կոալիցիային մասնակցելուց։