Բուլղարիայի պաշտպանության նախարար. Բուլղարիան այլևս չի պլանավորում Ուկրաինային լրացուցիչ զենք մատակարարել, այս պատերազմը չի կարող ռազմական ճանապարհով ավարտվել, ժամանակն է արդար խաղաղություն գտնել
Բուլղարական կողմը չի պլանավորում ուկրաինական բանակին լրացուցիչ զենք մատակարարել, – ըստ Reuters-ի, այս մասին հայտարարել է երկրի պաշտպանության նախարար Դիմիտար Ստոյանովը։
Ստոյանովի խոսքով՝ Բուլղարիայի նոր կառավարությունը այլևս չի պլանավորում ուկրաինական բանակին նոր ռազմական օգնություն տրամադրել։
Ինչպես նշել է Բուլղարիայի պաշտպանության նախարարը, Ուկրաինայում ընթացող պատերազմը չի կարող լուծվել մարտադաշտում, և կողմերը պետք է նստեն բանակցությունների սեղանի շուրջ։
«Մենք բազմիցս հայտարարել ենք, որ Ուկրաինայում պատերազմը չի կարող ռազմական ճանապարհով ավարտվել։ Ժամանակն է արդար խաղաղություն գտնել, որը կորոշեն երկու կողմերը», – ասել է Ստոյանովը։
Ձեր տեղեկության համար, այս տարվա մարտին Ուկրաինան և Բուլղարիան ստորագրել են 10-ամյա երկկողմ անվտանգության համագործակցության համաձայնագիր, որը ներառում է համատեղ պաշտպանական արտադրություն, հետախուզական փոխանակում և էներգետիկ միջանցք, որը նպատակ ունի Ուկրաինային տարեկան մինչև 10 միլիարդ խորանարդ մետր գազ մատակարարել։