Բուլղարիայի մաքսային ծառայության աշխատակիցները բեռնատարում հայտնաբերել են 206 կիլոգրամ կոկաին, ձերբակալվածների թվում է նաև Կոնգոյի դիվանագետը
Բուլղարացի մաքսային ծառայողները բեռնատարում հայտնաբերել են 206 կիլոգրամ կոկաին, որը երկրում թմրանյութի առգրավման ամենամեծ ցուցանիշն է։
Մոտ 20 միլիոն եվրո արժողությամբ մաքսանենգ ապրանքը Թուրքիա էր տեղափոխվում բելգիական համարանիշներով մեքենայով։ Մեքենայի խուզարկության ժամանակ մաքսային ծառայողները անձնական իրերի մեջ հայտնաբերել են կոկաինի 179 փաթեթավորված փաթեթ՝ հինգ պարկերում։
Հասկովոյի շրջանի դատախազ Իվան Ստոյանովի խոսքով՝ Թուրքիա սահմանը հատելու փորձի ժամանակ ձերբակալվել է երեք անձ՝ Բելգիայում հավատարմագրված կոնգոլացի դիվանագետ, Բելգիայի քաղաքացի և բուլղարացի վարորդ։ Նրանց սպառնում է մինչև 20 տարվա ազատազրկում։
Դատախազությունը հայտնում է, որ ԵՄ այլ երկրների համապատասխան մարմինների հետ համատեղ հետաքննություն է սկսվել՝ կոկաինի ծագումը և մաքսանենգ ապրանքը տեղափոխող անձանց պարզելու համար։