Բրիտանական Wanderlust զբոսաշրջային հարթակում Վրաստանը նոմինացվել է որպես Եվրոպայի ամենացանկալի զբոսաշրջային ուղղություն։

Զբոսաշրջության ազգային գործակալության տեղեկություններով՝ Wanderlust էջում մեկնարկել է Եվրոպայի ամենացանկալի զբոսաշրջային ուղղության քվեարկությունը։

«Բրիտանական հայտնի զբոսաշրջային հարթակում Վրաստանին, Թբիլիսիին և Բաթումին աջակցելու համար խնդրում ենք այցելել Wanderlust կայք:

Քվեարկությունը կտևվի մինչև հոկտեմբերի 18-ը։

Անվանակարգում զբոսաշրջային ամենացանկալի ուղղություններից Թբիլիսին և Բաթումին եվրոպական 39 քաղաքների թվում են։

Հաղթող զբոսաշրջային երկրներն ու քաղաքները հայտնի կդառնան նոյեմբերի 6-ին կայանալիք հատուկ արարողության ժամանակ։

Wanderlust-ի հարցման մասնակիցները հնարավորություն ունեն շահելու 70,000 ֆունտ ստեռլինգ արժողությամբ հատուկ շրջագայություններ և մրցանակներ:

2022 թվականին Wanderlust-ը Վրաստանը անվանել է որպես Եվրոպայի ակնառու զբոսաշրջային երկիր:

«Բրիտանական Wanderlust զբոսաշրջային հրատարակությունը ամեն տարի մրցույթ է անցկացնում՝ բացահայտելու լավագույն ճանապարհորդական ուղղությունները:
Wanderlust-ն օգնում է ընթերցողներին պլանավորել ճամփորդություններ և կիսվել զբոսաշրջային ուղղությունների մասին տեղեկություններով», – նշվում է տեղեկատվության մեջ։