Բրիտանական Easyjet ավիաընկերությունը Լոնդոնից, Ժնևից և Միլանից թռչելու է Թբիլիսի

11:42, 19.09.2024

Բրիտանական «easyJet» ցածր բյուջետային ավիաընկերությունը Վրաստանի ավիաշուկա կմտնի 2025 թվականից։

EasyJet-ը շաբաթական երկու անգամ ուղիղ չվերթներ կիրականացնի Լոնդոնից, Ժնևից և Միլանից Թբիլիսիի միջազգային օդանավակայան։

Ժնևից Թբիլիսի առաջին չվերթը կիրականացվի 2025 թվականի մարտի 31-ին։ Ապրիլի 1-ից կսկսվեն ուղիղ չվերթներ դեպի Լոնդոն և Միլան։

Բրիտանական էժան «easyjet»-ը հիմնադրվել է 29 տարի առաջ և ներկայումս թռչում է ավելի քան 1000 ուղղություններով 35 երկրներում։ Ավիաընկերության գլխավոր գրասենյակը գտնվում է Լոնդոնի Լյուտոն օդանավակայանում։

Հեղինակ - edgar barsegyan

Հասարակական