Բրիտանական բանակի ղեկավարը քաղաքացիներին զգուշացնում է պատրաստվել Ռուսաստանի հետ լայնամասշտաբ պատերազմի։

Ելույթ ունենալով Լոնդոնի միջազգային զրահատեխնիկայի ցուցահանդեսում, գեներալ սեր Պատրիկ Սանդերսն ասել է, որ Ռուսաստանի ներխուժումն Ուկրաինա ապագա իրադարձությունների նշան է։ Բրիտանացի գեներալը Ուկրաինայում տիրող իրավիճակը համեմատում է 1914-ի և 1937-ի ճգնաժամերի հետ և ասում, որ միայն «քաղաքացիական բանակները» կկարողանան տապալել արևմտյան ապրելակերպի վրա գալիք հարձակումը։

«Մեր նախորդները չկարողացան ընկալել այսպես կոչված հուլիսյան ճգնաժամի հետևանքները 1914 թվականին և ընկղմվեցին ամենասարսափելի պատերազմների մեջ։ Մենք չենք կարող մեզ թույլ տալ նույն սխալն այսօր թույլ տալ։ Ուկրաինան իսկապես կարևոր է: Այս պատերազմը ոչ միայն Դոնբասի սև հողի, ոչ էլ Ռուսական կայսրության վերականգնման մասին է։ Խոսքը մեր համակարգին ու ապրելակերպին քաղաքական, հոգեբանական ու խորհրդանշական տապալելու մասին է։ Թե ինչպես ենք մենք արձագանքում որպես նախապատերազմյան սերունդ, կարտացոլվի պատմության մեջ: Ուկրաինական խիզախությունն այժմ ժամանակ է շահում»,- ասել է բրիտանական բանակի հրամանատարը։

Պատրիկ Սոնդերսը նաև նշել է, որ բրիտանացի քաղաքացիները պետք է պատրաստ լինեն քաղաքացիական մոբիլիզացիայի այնպիսի մակարդակի, որը չի նկատվել Արևմտյան Եվրոպայում 1945 թվականից ի վեր: