Brexit-ի դեմ հարյուրավոր ցուցարարներ դուրս են եկել Լոնդոնի փողոցներ՝ կոչ անելով Մեծ Բրիտանիայի կառավարությանը՝ կրկին միանալ Եվրամիությանը, հայտարարելով, որ կազմակերպությունից դուրս գալը երկրի համար ամենավատ որոշումն է:

Տեղեկությունը տարածում է «Ռոյթերս» գործակալությունը։

Ցուցարարները նշում են, որ Brexit-ը մեծ հարված է հասցրել բրիտանական տնտեսությանը և սովորական մարդկանց կյանքին:

«Brexit-ը ամենավատ բանն է, որ պատահել է Բրիտանիայի հետ դարեր շարունակ։ Այս որոշումն ամեն տարի հազարավոր ֆունտ է արժենում: Հարյուրավոր բիզնեսներ կանգ են առել «Brexit»-ի պատճառով։ Սուպերմարկետների դարակները դատարկ են. Դեղերը պակասում են, և ամեն անգամ օդանավակայան գնալիս ստիպված ենք ընդմիշտ հերթ կանգնել։ Սա պետք է փոխենք»,- ասաց հանրահավաքի մասնակիցներից մեկը։

Փետրվարին անցկացված հարցման արդյունքների համաձայն՝ հանրաքվեի դեպքում բրիտանացիների 59 տոկոսը կաջակցի երկրի վերադարձին Եվրամիություն։

Հիշեցնենք, որ 2016 թվականի հունիսի 23-ին Բրիտանիան 52 տոկոսով կողմ է արտահայտվել Եվրամիությունից դուրս գալուն՝ 48 տոկոսի դիմաց։ Երկիրը Եվրամիությունից դուրս է եկել 2020 թվականի հունվարին։ 2021 թվականի հունվարի 1-ին Բրիտանիան դուրս կգա Եվրոպական միասնական շուկայից և ԵՄ Մաքսային միությունից։