Մենք կպայմանավորվենք տնտեսական պատժամիջոցների լայնածավալ փաթեթի շուրջ, որը մեծ հարված կհասցնի Ռուսաստանի տնտեսությանը,- հատուկ ուղերձում ասել է Մեծ Բրիտանիայի վարչապետ Բորիս Ջոնսոնը։

«Ուկրաինան մի երկիր է, որը տասնամյակներ շարունակ եղել է ազատ, ժողովրդավարական և իրավունք ունի ընտրելու իր ճակատագիրը։ Մենք և աշխարհը թույլ չենք տա Ուկրաինային զրկել այս ազատությունից։ Մենք՝ Բրիտանիան, առաջին երկիրն էինք, որը պաշտպանական զենք ուղարկեց Ուկրաինային օգնելու համար։ Նույնն արեցին մյուս դաշնակիցները։ Առաջիկա օրերին մենք կարող ենք անել այն, ինչ կարող ենք։ Մենք պայմանավորվելու ենք տնտեսական պատժամիջոցների լայնածավալ փաթեթի շուրջ, որը մեծ հարված կհասցնի Ռուսաստանի տնտեսությանը։ Այդ նպատակով մենք պետք է հավաքականորեն վերջ տանք ռուսական գազից և նավթից մեր կախվածությանը, ինչը վաղուց թույլ է տվել Պուտինին վարել սեփական քաղաքականությունը: Դիվանագիտական, քաղաքական և ռազմական առումներով Պուտինի բարբարոսական նախաձեռնությունը պետք է ավարտվի անհաջողությամբ։ Կոչ եմ անում ռուս ժողովրդին և նախագահին, ով բռնության նման ալիք բարձրացրեց: Ես դիմում եմ ռուս զինվորների ծնողներին, ուկրաինացիներին այս պահին, որ մենք ձեզ հետ ենք, աղոթում ենք ձեր, ձեր ընտանիքների համար, մենք ձեր կողքին ենք»,- ասել է Բորիս Ջոնսոնը։

Նրա խոսքով՝ Բրիտանիան կաշխատի դաշնակիցների հետ՝ վերականգնելու Ուկրաինայի ինքնիշխանությունն ու անկախությունը։

«Եթե գալիք ամիսները մութ լինեն, ես վստահ եմ, որ Ուկրաինայում կրկին լույս կլինի։ Չեմ կարծում, որ ռումբերով, տանկերով և հրթիռներով ռուս բռնապետը երբևէ կզսպի և կճնշի ուկրաինացիների ազգային զգացմունքները, նրանց համոզմունքը, որ իրենց երկիրը պետք է ազատ լինի։ Ես բրիտանացիներին ասում եմ, որ մենք չենք վախենում Պուտինի սպառնալիքներից: Նկատի ունեմ նրանց, ովքեր կանգնած են Ուկրաինայի կողքին։ Մենք ամեն ինչ անելու ենք մեր երկիրը անվտանգ դարձնելու համար: Մենք աջակցում ենք մեր դաշնակիցներին ամբողջ աշխարհում, մենք աշխատելու ենք նրանց հետ՝ վերականգնելու Ուկրաինայի ինքնիշխանությունն ու անկախությունը։ Ագրեսիայի այս ակտը հարձակում է ոչ միայն Ուկրաինայի վրա, դա հարձակում է ժողովրդավարության վրա Արևելյան Եվրոպայում և ամբողջ աշխարհում: Այս ճգնաժամը վերաբերում է ազատ, ինքնիշխան եվրոպացի ժողովրդին, որը հետապնդում է իր ապագան, և Բրիտանիան միշտ կպաշտպանի դա», – ասաց Բորիս Ջոնսոնը: