Բռնազավթված Աբխազիայի այսպես կոչված արտաքին գործերի նախարար, Դաուր Կովեն հայտարարում է, որ բռնազավթված տարածաշրջանում, ռուսական ռազմակայանում Իրակլի Կվարացխելիայի անորոշ պայմաններում մահվան փաստի կապակցությամբ «սպանություն» տերմինի օգտագործումը նպատակահարմար չէ: Դաուր Կովեն առաջին ալիքի հետ զրույցում պնդել է, որ Իրակլի Կվարացխելիան ինքնասպան է եղել:

Դաուր Կովեն Ժնևում է գտնվում, միջազգային բանակցությունների 47-րդ փուլին մասնակցելու նպատակով:

Վրաստանի առաջին ալիքի հարցին, Աբխազիայի դե-ֆակտո իշխանությանը կհաջողվի թե ոչ ներկայացնել համապատասխան ապացույցներ, Դաուր Կովեն պատասխանել է, որ ապացույցները Ռուսաստանի դաշնության իրավասու մարմինների մոտ են, որոնք և հետաքննում են այս գործը: Կովեյի խոսքերով դեպքը տեղի է ունեցել ռուսական ռազմակայանի տարածքում:

Ինչպես հայտնի է, Դաուր Կովեն Ժնև է մեկնել Մոսկվայից, որտեղ երեկ հանդիպել է Ռուսաստանի արտաքին գործերի նախարար Սերգեյ Լավրովի հետ: Նա չի թաքցրել, որ հանդիպմանը քննարկել են Ժնևյան բանակցությունների հարցը: