Բնապահպանական վերահսկողության վարչությունը «Ճիակոկոնոբանայի» գիշերը կխստացնի հսկողությունը, հայտնում է վարչությունը։

Ինչպես նշվում է տեղեկատվության մեջ, գերատեսչությունը համապատասխան արձագանք կտա յուրաքանչյուր խախտմանը։

«Զատիկի տոնին նախորդող չորեքշաբթի օրը անցկացվում է ավանդական ծեսը՝ «Ճիակոկոնոբան»։

Ծիսակարգի ընթացքում բնակչությունը կրակ վառելու համար օգտագործում է տարբեր տեսակի քաղաքային թափոններ, երբ այրվում են թունավոր, քաղցկեղածին նյութեր և գազեր։ Շրջակա միջավայրը, ինչպես նաև բնակչության, հատկապես ծեսին ակտիվ մասնակցող երեխաների առողջությունը վտանգի տակ է։

Բնապահպանության և գյուղատնտեսության նախարարության բնապահպանական վերահսկողության վարչությունը բնակչությանը զգուշացնում է, որ թափոնների կառավարման կանոնագրքի համաձայն՝ արգելվում է ցանկացած տեսակի թափոնների՝ անվադողերի, պլաստմասայի, տերևների բաց այրումը։

Թափոնների կառավարման օրենսգրքի համաձայն՝ քաղաքային ոչ վտանգավոր թափոնների՝ տերևների, այգիների/այգու թափոնների, կենցաղային թափոնների բաց այրումը կառաջացնի տուգանք 500 լարիի չափով։ Իսկ անվադողերի, կաուչուկի եւ այլ էլաստոմերային նյութերի բաց այրման դեպքում իրավախախտը պետք է վճարի 1500 լարի տուգանք։

Բնապահպանական վերահսկողության վարչությունը «Ճիակոկոնոբայի» գիշերը կխստացնի հսկողությունը և համապատասխան արձագանք կտա յուրաքանչյուր խախտմանը»,- ասվում է տեղեկատվության մեջ։