Դոնալդ Թրամփը փորձում է Ռուսաստանի և Ուկրաինայի միջև խաղաղության համաձայնագրի հասնել մինչև Անկախության օրը,- հաղորդում է Bloomberg-ը՝ հղում անելով ամերիկացի բարձրաստիճան պաշտոնյաներին։

Ամերիկացի բարձրաստիճան պաշտոնյաները Bloomberg-ին ասել են, որ Թրամփը ցանկանում է, որ պատերազմն ավարտվի մինչև հուլիսի 4-ը, երբ Միացյալ Նահանգները նշում է իր անկախության 250-ամյակը, և նախագահը կհյուրընկալի արարողություն։

«Միացյալ Նահանգները փորձում է համաձայնության հասնել մինչև հուլիսի 4-ը, երբ Թրամփը կհյուրընկալի Ամերիկայի անկախության 250-ամյակին նվիրված միջոցառում։ Եվրոպական և ՆԱՏՕ-ի բարձրաստիճան պաշտոնյաների խոսքով՝ չկա որևէ նշան, որ Վլադիմիր Պուտինը պատրաստ է համաձայնագրի հասնել, որը չի համապատասխանում իր հիմնական պահանջներին», – գրում է հրատարակությունը։

Բացի այդ, Bloomberg-ը նշում է, որ եռակողմ բանակցությունները փակուղի են մտել Ռուսաստանի նախագահի պահանջների պատճառով։

«Այս տարի Աբու Դաբիում և Ժնևում եռակողմ բանակցությունների երեք փուլերն ավարտվել են առանց որոշման։ Չնայած կողմերի միջև բանակցությունները մնում են կառուցողական, դրանք փաստացի փակուղի են մտել», – գրում է հրատարակությունը։