«Վրացական երազանքի» պատվավոր նախագահ Բիձինա Իվանիշվիլին շնորհավորում է Վրաստանի ֆուտբոլի հավաքականին հաղթանակի կապակցությամբ։

Ինչպես նշվում է Իվանիշվիլիի շնորհավորական նամակում, ազգային հավաքականի ֆուտբոլիստները հերթական անգամ ուրախացրել են վրացի երկրպագուներին։

«Շնորհավորում եմ Վրաստանի ֆուտբոլի հավաքականի հաղթանակի կապակցությամբ։ 4:1 – Ազգերի լիգայում Չեխիայի հավաքականի դեմ այս համոզիչ հաղթանակով մեր թիմը հերթական անգամ անչափ ուրախացրեց վրացի յուրաքանչյուր երկրպագուի։ Եվրոպայի առաջնությունում տպավորիչ դեբյուտից հետո պարզ դարձավ, որ վրացական ֆուտբոլի համար նոր, յուրահատուկ դարաշրջան է սկսվել, ինչը ևս մեկ անգամ հաստատվեց երեկվա խաղով։ Շնորհավորում եմ ազգային հավաքականի խաղացողներին և բոլոր այն մարդկանց, ովքեր իրենց ներդրումն են ունեցել այս մարտունակ, համախմբված ու հպարտ թիմի կայացման գործում։ Վստահ եմ, որ մեզ դեռ շատ հաղթանակներ են սպասվում»,- ասված է Իվանիշվիլիի նամակում։