«Վրացական երազանքի» պատվավոր նախագահ Բիձինա Իվանիշվիլին շնորհավորում է վրացի օլիմպիականներին Փարիզի Օլիմպիական խաղերում ձեռք բերած մեծ հաջողության կապակցությամբ։

«Շնորհավորում եմ մեր հպարտ ձյուդոիստներին՝ Տատո Գրիգալաշվիլիին, Լաշա Բեքաուրիին և Իլիա Սուլամանիձեին Օլիմպիական խաղերում մեծ հաջողությունների համար։

24-ամյա Տատո Գրիգալաշվիլին արդեն աշխարհի եռակի, Եվրոպայի եռակի չեմպիոն և օլիմպիական փոխչեմպիոն է։ Տատոյի առջևում ամեն ինչ կա, և ես վստահ եմ, որ հաջորդ Օլիմպիական խաղերում նա կդառնա օլիմպիական չեմպիոն։

Լաշա Բեքաուրին 24 տարեկանում արդեն վրացական ձյուդոյի և ընդհանրապես վրացական սպորտի լեգենդ է։ Վստահ եմ, որ Լաշան ամբողջությամբ կկատարի երեք տարի առաջ տված խոստումը և 4 տարվա մեջ երրորդ օլիմպիական ոսկին կնվաճի։

23-ամյա Իլիա Սուլամանիձեն ամենամեծ հաջողությանը հասավ հենց առաջին օլիմպիական խաղերում, նա արժանացավ արծաթե մեդալի, իսկ Վրաստանի օլիմպիական հավաքականը նվաճեց երրորդ մեդալը։ Իլյային ավելի մեծ հաղթանակներ են սպասում, այդ թվում՝ հաջորդ Օլիմպիական խաղերում։

Հաջողություն եմ մաղթում մեր օլիմպիականներին։ Վստահ եմ, որ մեզ դեռ շատ հաղթանակներ են սպասվում»,- ասված է շնորհավորական նամակում։

«Վրացական երազանք»-ի մամուլի ծառայությունից պարզաբանում են, որ կուսակցության պատվավոր նախագահը երկու շաբաթ առաջ վարակվել է կորոնավիրուսով և այժմ բուժման կուրս է անցնում, ինչի պատճառով էլ շնորհավորական նամակի հրապարակումը հետաձգվել է։ Ներկա պահին Բիձինա Իվանիշվիլիի առողջական վիճակը բավարար է։