«Վրացական երազանքին» առաջիկա 4-5 տարում ոչնչի չի պատահի, – այս մասին Վրաստանի Առաջին ալիքի « Ազատ տեսլական» հաղորդման եթերում հայտարարել է «Վրացական երազանքի» հիմնադիր Բիձինա Իվանիշվիլին:

Հարցին, թե թիմն ինչի կարիք ունի և ինչ այլ բան պետք է հաշվի առնի, Բիձինա Իվանիշվիլին ասաց, որ ամենակարևորն այն է, որ «Վրացական երազանքի» թիմի անդամները չսկսեն պարզել միմյանց հետ հարաբերություններ:

«Կուսակցությունը գիտի ամեն ինչ, իմ թիմի անդամները նույնքան գիտեն, և նրանցից ոմանք ինձանից ավելին գիտեն այս ուղղությամբ, որը կոչվում է քաղաքական գործունեություն և երկրի զարգացում: Մենք ունենք շատ տաղանդավոր երիտասարդ առաջնորդներ՝ տարբեր ուղղություններով: Իմ խնդրանքն այն է, նորից հիշեցնեմ, եթե նրանց հաջողվի չսկսել հարցեր պարզել, կրիտիկական իրավիճակում հավաքվել և վիճաբանության մեջ ձևավորել ողջամտություն, վստահեցնում եմ, որ «Վրացական երազանքը» խնդիրներ չի ունենա: Եթե ​​նրանք դա չկարողանան անել, եթե նրանք սկսեն պարզել իրենց հարաբերությունները միմյանց հետ, ապա արդյունքը կարող է վատթարանալ, բայց եթե հետաքրքրված եք իմ գնահատմամբ, առաջիկա 4-5 տարիների ընթացքում «Վրացական երազանքի» հետ ոչինչ չի պատահի», – ասաց Բիձինա Իվանիշվիլին: