«Պետք է վերջնականապես խաղաղեցնել մեր երկիրը, վերջ տալ գործակալությանը, արմատականությանը և բևեռացմանը, որից հետո մենք կշարունակենք առաջ շարժվել և զարգանալ արագ տեմպերով»,- ասել է Վրացական երազանքի պատվավոր նախագահ Բիձինա Իվանիշվիլին։

Իվանիշվիլիի խոսքով՝ այսօր Վրաստանն այն շռայլություն չի կարող թույլ տալ ՝ ռիսկի դիմել երկիրը կործանելու համար ։

«Բավական է, եթե մենք մեկ սխալ քայլ անենք, Ամանորին ավանդական հրավառության փոխարեն մենք կստանանք Լոմջարիայի հրավառություն»,- ասել է Բիձինա Իվանիշվիլին։

Ինչպես նշել է Բիձինա Իվանիշվիլին, երկրորդ ճակատի լոբբինգի արդյունքն այն աննախադեպ ճնշումն է, որը վերջին տարիներին գործադրվել է Վրաստանի վրա։

«Այսպիսի կրիտիկական ընտրությանն այլևս երբեք չկանգնելու համար անհրաժեշտ է վերջնականապես խաղաղեցնել մեր երկիրը, վերջ տալ գործակալությանը, արմատականությանը և բևեռացմանը, որից հետո մեր երկիրը կշարունակի առաջ շարժվել և զարգանալ արագ տեմպերով։ Ցավոք սրտի, կոնկրետ ուժեր դեռ չեն դադարում մտածել երկրորդ ճակատի մասին, որը, ըստ նրանց հաշվարկների, պետք է փոխի առաջին ճակատում ստեղծված ծանր իրավիճակը։ Երկրորդ ճակատի լոբբինգի արդյունքն է, որ մի քանի տարի շարունակ աննախադեպ ճնշում է գործադրվում Վրաստանի վրա և հատկապես ակտիվացել ուկրաինական պատերազմի սկզբից։ Համաշխարհային պատերազմի կուսակցությունը զգալի ազդեցություն ունի ներկայիս ամերիկյան և եվրոպական բյուրոկրատիայի վրա, ինչը վրաց հասարակության մեջ ընկալում է ստեղծում, որ Վրաստանը հակամարտություն ունի ամերիկյան պետության և Եվրամիության հետ, սակայն, հենց որ պատերազմն ավարտվի Ուկրաինայում, շահերը կփոխվեն, և այդ ընկալումն ակնթարթորեն կվերանա»,- ասել է Իվանիշվիլին։

«Վրացական երազանք» կուսակցությունն այսօր պաշտոնապես բացեց նախընտրական քարոզարշավը և նոր կենտրոնական գրասենյակը։