Բեռլինի արևելքում տրամվայը դուրս է եկել գծերից, որի հետևանքով 20 մարդ է վիրավորվել։
Գերմանական լրատվամիջոցները այս մասին հայտնել են։
Նրանց տվյալներով՝ տրամվայը Լիխտենբերգ շրջանի շրջադարձի ժամանակ բախվել է էլեկտրահաղորդման աշտարակին։ Հրշեջ ծառայության ներկայացուցչի խոսքով՝ բախման հետևանքով վնասվել է տրամվայի աջ կողմը, իսկ վերջին վագոնը դուրս է եկել գծերից։
Հրշեջ ծառայությունը հայտնել է, որ վթարի հետևանքով 20 մարդ վիրավորվել է, որոնցից երեքը՝ ծանր վիճակում։