Սա մեծ օր է Իսրայելի համար, Աստծո օգնությամբ մենք բոլոր պատանդներին տուն կբերենք, շնորհակալություն եմ հայտնում նախագահ Թրամփին և նրա թիմին,- այսպես արձագանքեց Իսրայելի վարչապետ Բենյամին Նեթանյահուն Իսրայելի և Համասի միջև ստորագրված համաձայնագրին։

«Սա մեծ օր է Իսրայելի համար։ Վաղը ես կհավաքեմ կառավարությունը՝ համաձայնագիրը հաստատելու և մեր բոլոր պատանդներին տուն կբերելու համար։ Շնորհակալություն եմ հայտնում Իսրայելի պաշտպանության ուժերի և անվտանգության ուժերի հերոս զինվորներին, որոնց քաջությունն ու զոհաբերությունը հնարավոր դարձրին այս օրը։ Ամբողջ սրտով շնորհակալություն եմ հայտնում նախագահ Թրամփին և նրա թիմին՝ մեր պատանդներին ազատելու այս սրբազան առաքելությունը մոբիլիզացնելու համար։ Աստծո օգնությամբ մենք միասին կշարունակենք հասնել մեր բոլոր նպատակներին և ընդլայնել խաղաղությունը մեր հարևանների հետ։

Աստծո օգնությամբ մենք բոլորին տուն կբերենք», – գրել է Նեթանյահուն։

Հիշեցնենք, որ մի քանի րոպե առաջ ԱՄՆ նախագահ Դոնալդ Թրամփը հայտարարեց, որ Իսրայելը և Համասը ստորագրել են խաղաղության ծրագրի առաջին փուլը, որը ներառում է բոլոր պատանդների ազատ արձակումը։