Բենյամին Նեթանյահուն ցուցարարներին կոչ է անում խուսափել բռնությունից
Իսրայելի վարչապետ Բենյամին Նեթանյահուն կոչ է անում ցուցարարներին, ովքեր այսօր պատրաստվում են ցույցեր անցկացնել Երուսաղեմում, խուսափել բռնությունից։ Ըստ իսրայելական լրատվամիջոցների՝ սա երկրի վարչապետի առաջին հայտարարությունն է Իսրայելում անցկացված բազմաթիվ ցույցերից հետո։
Նեթանյահուն և՛ ձախ, և՛ աջ ցուցարարներին կոչ է անում պատասխանատվություն դրսևորել և բռնության չդիմել։
Ինչպես հաղորդում են իսրայելական լրատվամիջոցները, այսօր երեկոյան Երուսաղեմում նախատեսված են կառավարության նախաձեռնած դատաիրավական բարեփոխումների կողմնակիցների ու հակառակորդների ցույցեր։
Իր հայտարարության մեջ Նեթանյահուն ոչինչ չի ասել վիճահարույց դատական բարեփոխումների մասին, որոնք ընդդիմությունը պահանջում է դադարեցնել։
Իսրայելի քաղաքացիները բողոքում են բարեփոխման դեմ, որը թույլ կտա Գերագույն դատարանին կասեցնել կառավարության կողմից ընդունված օրենքները: Նույն փոփոխություններով օրենսդիրները վճռորոշ ձայն կունենան դատավորների նշանակման հարցում։