Իսրայելի վարչապետ Բենիամին Նեթանյահուն հերքում է տեղեկությունն այն մասին, որ ԱՄՆ-ը համոզել է Իսրայելին չընդլայնել ռազմական գործունեությունը։

«Ես կրկին խոսել եմ նախագահ Բայդենի հետ երեկ երեկոյան։ Ես բարձր եմ գնահատում ԱՄՆ-ի հաստատակամ դիրքորոշումը ՄԱԿ-ի Անվտանգության խորհրդում: Դիրքորոշում, որն աջակցում է մեր պատերազմական ջանքերին: Ես նախագահ Բայդենին երեկ ասացի, որ մենք պայքարելու ենք վերջնական հաղթանակի հասնելու համար, որքան էլ դա պահանջվի։ ԱՄՆ-ը դա հասկանում է։ Ես ապատեղեկատվություն եմ տեսել, որ Միացյալ Նահանգները կանխել և խանգարում է մեզ գործողություններ իրականացնել տարածաշրջանում։ Սա ճիշտ չէ: Իսրայելն ինքնիշխան երկիր է, պատերազմի գնալու որոշումը հիմնված է մեր օպերատիվ հայացքների վրա»,- ասել է Նեթանյահուն։

Իսրայելի վարչապետի խոսքով՝ իրենք այլ ելք չունեն, քան շարունակել պատերազմը։ Միևնույն ժամանակ, Բենիամին Նեթանյահուն հավելել է, որ զինվորականներին հաջողվել է ոչնչացնել հազարավոր ահաբեկիչների և կշարունակի դա անել այնքան ժամանակ, քանի դեռ չի կատարվել իրենց հիմնական նպատակը՝ ոչնչացնել ՀԱՄԱՍ-ը, վերադարձնել պատանդներին և խոստանալ, որ Գազան այլևս սպառնալիք չի ներկայացնի Իսրայելի պետությանը։