Իսրայելի վարչապետ Բենիամին Նեթանյահուի խոսքով՝ Գազայում շարունակվող ցամաքային գործողությունը ՀԱՄԱՍ-ի հետ պատերազմի երկրորդ փուլն է, որն ունի շատ հստակ նպատակներ։

Ինչպես ճեպազրույցում ասել է Նեթանյահուն, Իսրայելի լրացուցիչ ցամաքային ուժերը մտել են Գազա՝ ոչնչացնելու Համասը և պատանդներին տուն վերադարձնելու համար։

Իսրայելի վարչապետը հավելել է, որ իրենց զինվորներն ու հրամանատարներն այժմ գտնվում են Գազայի հատվածում, և նրանք «տեղակայված են ամենուր»։

Բացի այդ, Նեթանյահուն արձագանքել է միջազգային հանրության հայտարարություններին.

«Մեզ մի մեղադրեք ռազմական հանցագործությունների մեջ. Եթե ​​կարծում եք, որ կարող եք մեր զինվորներին մեղադրել ռազմական հանցագործությունների մեջ, դա կեղծավորություն է։ Մենք աշխարհի ամենաբարոյական բանակն ենք»,- ասել է Նեթանյահուն։

Նա ասել է, որ Իսրայելի պաշտպանության ուժերը նախազգուշական միջոցներ են ձեռնարկում խաղաղ բնակիչներին պաշտպանելու համար և մեղադրել է Համասին մարդկության դեմ հանցագործություններ կատարելու մեջ՝ «իր ժողովրդին որպես վահան օգտագործելու միջոցով»:

«Դա երկար ու բարդ պատերազմ է լինելու։ Մենք հաղթելու ենք»,- ասել է Իսրայելի վարչապետը։