Իսրայելի վարչապետ Բենիամին Նեթանյահուն դատապարտել է Հորդանանի և Արևմտյան ափի սահմանի մոտ տեղի ունեցած հարձակումը, որի հետևանքով Իսրայելի երեք քաղաքացի է զոհվել։

Նեթանյահուն կառավարության նիստում ասել է, որ այսօր շատ դժվար օր է Իսրայելի համար։

«Սա շատ դժվար օր է։ Ահաբեկիչը սառնասրտորեն սպանել է մեր երեք խաղաղ բնակիչների: Ցավակցում եմ մահացածների ընտանիքներին։ Մենք շրջապատված ենք Իրանի կողմից ղեկավարվող մարդասպան գաղափարախոսությամբ»,- ասել է Նեթանյահուն։

Իսրայելի պաշտպանության բանակի տվյալներով՝ Հորդանան գետի արեւմտյան ափի և Հորդանանի սահմանի մոտ հարձակման ժամանակ զոհվել է Իսրայելի երեք քաղաքացի։ Հարձակվողը բեռնատարով մտել է տարածք Հորդանանից, ապա կրակ բացել։ Իսրայելը փակել է Հորդանանի հետ բոլոր ցամաքային անցումները: Այնուամենայնիվ, Հորդանանն ասում է, որ փակել է սահմանը և հետաքննում է միջադեպը: