Բենիամին Նեթանյահու. Մենք կրճատել ենք «Հըզբոլլահի» հնարավորությունները, ոչնչացրել ենք հազարավոր ահաբեկիչների, այդ թվում՝ Նասրալլայի փոխարինողներին, այսօր այն ավելի թույլ է, քան վերջին տարիներին
Իսրայելի վարչապետ Բենիամին Նեթանյահուի խոսքով՝ իսրայելական ուժերը սպանել են «Հեզբոլլահի» առաջնորդ Հասան Նասրալլայի ենթադրյալ փոխարինողներին։
Ինչպես Նեթանյահուն նշել է լիբանանցիներին ուղղված իր ուղերձում, Լիբանանը ոչ թե Իսրայելն է նվաճել, այլ Իրանը, և «Հեզբոլլահը» այն վերածել է ռազմաբազայի։
«Այն երկիրը, որն իրականում օկուպացրել է Լիբանանը, Իսրայելը չէ։ Իրանն է, որ ֆինանսավորում և զինում է Հեզբոլլահին Լիբանանի հաշվին՝ Իրանի շահերը սպասարկելու համար։ «Հեզբոլլահը» Լիբանանը վերածել է զինամթերքի ու զենքի պահեստի՝ Իրանի ռազմաբազայի։ Մենք կրճատել ենք «Հեզբոլլահի» հնարավորությունները՝ սպանելով հազարավոր ահաբեկիչների, այդ թվում՝ Նասրալլայի իրավահաջորդին և նրա իրավահաջորդին: Այսօր «Հեզբոլլահն» ավելի թույլ է, քան վերջին շատ տարիներին»,- ասել է Նեթանյահուն։
Միաժամանակ, Իսրայելի վարչապետը կոչ է արել լիբանանցիներին «Հեզբոլլահից» «հետ վերցնել» երկիրը։
«Այժմ դուք՝ լիբանանցիներդ, կանգնած եք կարեւոր խաչմերուկում։ Այժմ դուք կարող եք վերականգնել ձեր երկիրը: Եթե դուք դա չանեք, ապա «Հեզբոլլահը» կշարունակի ձեր հաշվին խիտ բնակեցված տարածքներից պայքարել Իսրայելի դեմ: Ես կոչ եմ անում ձեզ՝ Լիբանանի ժողովրդին, ազատագրել ձեր երկիրը «Հեզբոլլահից»՝ վերջ տալու այս պատերազմին», – ասել է Բենիամին Նեթանյահուն։