Չեմ հասկանում, թե ինչու Վրաստանն ավելի հաստատակամ չէ Ուկրաինային աջակցելու հարցում, դա ինձ համար անհասկանալի է։ Վրաստանի համար դա ձեռնտու կլինի ոչ միայն հիմա, երբ Ուկրաինան հաղթի, այլ նաև կոլեկտիվ անվտանգության պայմանագրի համագործակցության շրջանակներում, երբ այս պատերազմն ավարտվի,- ասել է Եվրոպայում ԱՄՆ ցամաքային զորքերի նախկին հրամանատար, գեներալ Բեն Հոջեսը։

Նրա խոսքով, Վրաստանի համար պետք է օգտակար լինի պատմության ճիշտ կողմում կանգնելը և նշեց, որ երկարաժամկետ հեռանկարում Վրաստանի բարգավաճումն ու անվտանգությունը կախված է սևծովյան տարածաշրջանից։

«Ես չեմ հասկանում, թե ինչն է Վրաստանին օգտակար Կրեմլի ձեռնաշղթաների մեջ, քանի որ Կրեմլը տանուլ է տալիս այս պատերազմը, տնտեսությունը փլուզվել է։ Հազարավոր ռուսներ եկան Վրաստան, քանի որ չցանկացան մոբիլիզացվել։ Նրանք չեն ցանկանում կռվել Ուկրաինայում: Իմ կարծիքով, բեկում կա այն հարցում, թե ինչ է մտածում Վրաստանի բնակչության մեծ մասը, ով համարում է, որ պետք է աջակցել Ուկրաինային, և ինչ է անում կառավարությունը։ Վրաստանի համար պետք է օգտակար լինի պատմության ճիշտ կողմում կանգնելը: Երկարաժամկետ հեռանկարում Վրաստանի բարգավաճումն ու անվտանգությունը կախված է սևծովյան տարածաշրջանից։ Համոզվեք, որ դուք պատմության ճիշտ կողմում եք, քանի որ Ուկրաինան պատերազմից հաղթանակած դուրս կգա: Ամերիկայի Միացյալ Նահանգները ռազմավարություն է մշակում սևծովյան տարածաշրջանի հետ կապված, և Վրաստանը դրա կարևոր մասն է լինելու»,- ասել է Բեն Հոջեսը։