Բելգրադի փողոցներում հազարավոր մարդիկ բողոքի ցույց են անցկացրել՝ ի պաշտպանություն սերբ ուսանողների
Հազարավոր մարդիկ դուրս են եկել Բելգրադի փողոցներ՝ ի պաշտպանություն սերբ ուսանողների: Այս մասին հայտնում է «Ասոշիեյթիդ Փրայս»-ը։
Ըստ լրատվամիջոցների՝ Բելգրադի բնակիչները հինգ շարասյունով հավաքվել են քաղաքի տարբեր հատվածներից և ուղղվել դեպի այն վայրը, որտեղ ուսանողներն ավելի քան երկու ամիս շարունակ ամենօրյա բողոքի ակցիաներ են անցկացնում՝ հանդես գալով երկրում կոռուպցիայի դեմ։
Մամուլում հայտնված տեղեկությունների համաձայն՝ ուսանողները մի քանի պահանջներ ունեն, այդ թվում՝ հրապարակել կայարանի տանիքի փլուզման մասին փաստաթղթերը, մեղավորներին արդարացնել, ուսանողական ցուցարարների նկատմամբ մեղադրանքները հանել, բարձրագույն կրթության բյուջեն ավելացնել։
Բելգրադում ցուցարարները մեկ րոպե լռությամբ հարգել են երկաթուղային կայարանի տանիքի փլուզման հետևանքով զոհվածների հիշատակը։ Ինչպես հաղորդում է «Ասոշիեյթիդ Փրայս»-ը, ցուցարարները ողբերգության մեջ մեղադրում են կառավարությանը։
Լրատվամիջոցների տեղեկություններով՝ պետական բուհերի ուսանողները պահանջում են հրապարակել կայանի վերանորոգման հետ կապված բոլոր փաստաթղթերը և քրեական պատասխանատվության ենթարկել միջադեպի մեղավորներին։