Բելգիացի ֆերմերները պատրաստվում են արգելափակել նավահանգիստը՝ ի նշան բողոքի
Բելգիացի ֆերմերները ծրագրում են այսօր փակել Զեեբրուգեի մոտ գտնվող նավահանգիստը՝ ի նշան բողոքի։ Ակցիայի մասնակիցները պատրաստվում են առնվազն 36 ժամով փակել երկրի մեծությամբ երկրորդ նավահանգիստ տանող մուտքի ճանապարհը։
Այսօր առավոտյան ֆերմերները փակել են նաև Հոլանդիայի հետ կապող մայրուղին։ Տրակտորների շարասյունը շարժվում է դեպի Անտվերպեն նավահանգստային քաղաք։
Բելգիայի վարչապետ Ալեքսանդր դե Կրուան ծրագրում է օրվա վերջում հանդիպել ֆերմերների ասոցիացիայի ղեկավարների հետ։