Ուկրաինայի կողմից զինված սադրանքների մեծ հավանականություն կա,- ասել է Բելառուսի պաշտպանության նախարար Վիկտոր Խրենինը Բելառուսի նախագահ Ալեքսանդր Լուկաշենկոյի հետ ռազմական անվտանգության հարցերով հանդիպման ժամանակ։

Բելառուսի պաշտպանության նախարարության ղեկավարի խոսքով, Բելառուսի Հանրապետության պետական ​​սահմանի երկայնքով ուկրաինական հատուկ նշանակության ուժերի ստորաբաժանումների և Ուկրաինայի անվտանգության ծառայության ստորաբաժանումների ակտիվ աշխատանքը կարելի է դիտարկել բոլոր հատվածներում։

Վիկտոս Խրենինի խոսքով՝ ուկրաինական կողմը մշտապես հետախուզություն է իրականացնում, ինչի համար ակտիվորեն օգտագործվում են անօդաչու թռչող սարքեր։

«Հաշվի առնելով սահմանամերձ շրջաններում ուկրաինական զինված կազմավորումների առկայությունը, մեծ է հավանականությունը մեր տարածքում զինված սադրանքներ նախապատրաստելու և իրականացնելու, ինչպես նաև ռեզոնանսային գործողությունների, այդ թվում՝ բելառուսական ազգայնական կազմավորումների ներգրավման»,- ասել է Բելառուսի պաշտպանության նախարարը։

Իր հերթին Բելառուսի նախագահն ասել է, որ երկիրն ամեն ինչ ունի հնարավոր կեղտոտ հնարքները ետ մղելու համար։