Աշխատանքի տեսչական ծառայությունն ամփոփել է անցած տարվա գործունեությունը: Աշխատանքի տեսչական ծառայության պետը ներկայացրեց 2022 թվականին իրականացված բարեփոխումների և ապագա անելիքների վերաբերյալ շնորհանդեսը։

Բեքա Փերաձեի խոսքով, անցյալ տարի կարեւոր քայլեր են ձեռնարկվել աշխատողների իրավունքների բարելավման ուղղությամբ։ Կրճատվել է սպասարկման, տրանսպորտի, հանքարդյունաբերության և շինարարության ոլորտներում աշխատողների աշխատաժամանակը և սահմանվել շաբաթական 40-ժամյա գրաֆիկ։ 40 ժամից ավելի աշխատանքային ժամերը, ըստ կառավարության որոշման, համարվում են արտաժամյա, որը ենթակա է լրացուցիչ փոխհատուցման։

Զեկույցում շեշտը դրվել է բժիշկների և բուժքույրերի համար նվազագույն աշխատավարձի սահմանման վրա, որը, ըստ Աշխատանքի տեսչության, ծառայում է բժշկական ոլորտի ներկայացուցիչների համար արժանապատիվ աշխատանքային պայմանների ստեղծմանը։

Բեքա Փերաձեն նշել է նաև, որ գործատուների համար ստեղծվել է թափուր աշխատատեղերի հայտարարությունների ուղեցույց՝ նախապայմանագրային հարաբերություններում խտրականության դեպքերը նվազագույնի հասցնելու նպատակով։

Ինչպես հայտարարել է Բեքա Փերաձեն, ընդհանուր առմամբ, աշխատանքային իրավունքների նկատմամբ վերահսկողությունը վերաբերել է մոտ 70 հազար մարդու։

Նրա պարզաբանմամբ՝ աշխատավայրում պատահարների նվազման միտումը պահպանվել է 2022 թվականին: Վերջին հինգ տարիների ընթացքում աշխատավայրում մահացությունների թիվը նվազել է 41 տոկոսով։