«Միացյալ ազգային շարժումը» ցանկանում է ամեն ինչ անել այլ կուսակցությունների ձեռքով, որպեսզի իրենց և համաներումը վերաբերի, և ֆինանսավորումը և ամեն ինչը, – ասաց խորհրդարանական մեծամասնության անդամ Բեքա Դավիթուլիանին:

Նրա խոսքով, «Ազգային շարժման» անդամները կոչ են անում այլ կուսակցություններին կատարել Միշելի փաստաթղթում ամրագրված պայմանները, բայց իրենք չեն միացել փաստաթղթին:

«Ազգային շարժումն» ամեն անգամ այլ նարատիվ է մշակում: Նրանք սկսեցին ասել, որ իրենց չեն ձերբակալի, բայց ձերբակալեցին: Հետո ասում էին, որ չեն համաձայի գրավին, համաձայնեցին: Հիմա նրանք սկսել են ասել, որ չեն ստորագրելու Միշելի փաստաթուղթը, և դա էլ են զիջել: Վերջապես ձևավորեն կարծիք, իսկ եթե չեն ձևավորի, դա արդեն իրենց խնդիրն է:

Իմ կարծիքով, Նիկա Մելիան համաներում կստանա, սակայն դա նրա ընտրությունն է: Ի սկզբանե պարզ է, որ նրանք ցանկանում են ամեն ինչ անել այլ կուսակցությունների օգնությամբ՝ ներառյալ համաներումը, ֆինանսավորումը, ամեն ինչ: Շառլ Միշելի փաստաթղթի ոգու մասին են մեզ հետ խոսում կուսակցության անդամները, որոնք չեն միացել այդ փաստաթղթին: Նրանք ուզում են, որ ամեն ինչ արվի ուրիշի ձեռքով, որպեսզի իրենց ընտրողներին ասեն, որ նրանք կրկին արմատական ​​են, և բոլորը կատարում են իրենց աշխատանքը», – ասաց Բեքա Դավիթուլիանին: