Վրաստանի իշխող կուսակցությունն առաջատարն է, եվրոպամետ ընդդիմությունը պնդում է, որ ընտրությունները «գողացել են»,- այս մասին գրում է BBC-ն։

«Վրաստանի աճող ավտորիտար իշխող կուսակցությունը հաղթանակ է տոնել այն բանից հետո, երբ նախնական արդյունքները ցույց տվեցին նրա հստակ առաջադիմությունը վճռորոշ ընտրություններում, որոնք կենտրոնացած են երկրի ապագա ուղու վրա դեպի Եվրոպա: Կենտրոնական ընտրական հանձնաժողովի տվյալներով՝ միլիարդատեր գործարար Բիձինա Իվանիշվիլիի «Վրացական երազանք» կուսակցությունը 72 տոկոս ձայների հաշվարկի արդյունքում ստացել է 53 տոկոս։ Նախնական արդյունքները կտրուկ տարբերվում էին արևմտյան հետազոտական ​​ընկերությունների կողմից անցկացված էգզիթփոլներից և ընդդիմադիր կուսակցության առաջնորդներից մեկն ասել է, որ ընդիմությունը գտնում է, որ «վրաց ժողովրդի ձայները գողացել են», գրում է BBC-ն։

Բրիտանական հանրային հեռարձակողը մեջբերում է ընդդիմության առաջնորդների մեկնաբանությունները:

«Մենք չենք ճանաչում այս կեղծված ընտրությունների արդյունքները»,- ասել է «Միացյալ ազգային շարժման» առաջնորդ Թինա Բոկուչավան։ Ընդդիմության մեկ այլ առաջնորդ Նիկա Գվարամիան ասել է, որ «Վրացական երազանքը» կազմակերպել է «սահմանադրական հեղաշրջում»։ «Բի-Բի-Սի»-ն նշում է, որ նախկինում և՛ «Վրացական երազանք»-ը, և՛ եվրոպամետ չորս ընդդիմադիր խմբավորումներ, որոնք փորձում են վերջ տալ նրա 12-ամյա կառավարմանը, հաղթանակ են հայտարարել մրցակցային էքզիթ փոլերի հիման վրա։

«Շաբաթ օրը Ռուսաստանին սահմանակից հարավկովկասյան այս նահանգում մեծ թվով ընտրողներ են գնացել ընտրատեղամասեր, և բազմաթիվ հաղորդումներ են եղել քվեարկության ընթացակարգի խախտումների և ընտրատեղամասերից դուրս բռնությունների մասին»,- գրում է BBC-ն։