«ԱՄՆ-ն Իսրայելին սպառնում է դադարեցնել ռազմական օգնությունը՝ Գազայի հատվածին մարդասիրական օգնության սահմանափակման պատճառով»,- հայտնում է BBC-ն։

ԱՄՆ-ը նամակ է ուղարկել Իսրայելի կառավարությանը՝ կոչ անելով 30 օրվա ընթացքում շտապ ավելացնել Գազային հումանիտար օգնությունը կամ սպառնալով դադարեցնել ամերիկյան ռազմական օգնության մի մասը։

Երկու օր առաջ ուղարկված նամակը ստորագրել են ԱՄՆ պետքարտուղար Էնթոնի Բլինկենը և պաշտպանության նախարար Լլոյդ Օսթինը։

Նամակում ասվում է, որ ԱՄՆ-ը «խորապես անհանգստացած է մարդասիրական իրավիճակի վատթարացմամբ»: Այն նաև նշել է, որ Իսրայելը մերժել կամ արգելափակել է հումանիտար օգնության գրեթե 90%-ը Գազայի հյուսիսից և հարավից անցած ամիս:

Տարհանման հրամանները 1,7 միլիոն մարդու տեղահանել են նեղ ափի երկայնքով, որտեղ նրանք գտնվում են «մահացու վարակի բարձր ռիսկի տակ», ասվում է նամակում: Նամակում ԱՄՆ-ը կոչ է անում «անհապաղ և կայուն քայլեր ձեռնարկել Իսրայելի կառավարության կողմից՝ շրջելու այս հետագիծը»։

Ինչպես գրում է BBC -ն, նամակը տարածել է լրագրող Բարաք Ռավիդը։