Փոխադրման աշխատանքները սկսվել են, և երկուշաբթի օրվանից Basisbank-ը կսպասարկի VTB Bank Georgia-ի անհատ ավանդատուներին և վարկառուներին VTB բանկի մասնաճյուղերում,- այս մասին տեղեկատվություն է տարածում Վրաստանի Ազգային բանկը։

Նրանց խոսքով, բոլոր ավանդատուների շահերը պաշտպանված կլինեն, իսկ պահանջները ամբողջությամբ կբավարարվեն։

«ԱՄՆ-ը, Մեծ Բրիտանիան, Եվրամիությունը և այլ երկրներ ֆինանսական պատժամիջոցներ են սահմանել Ռուսաստանի ֆինանսական համակարգի դեմ՝ Ուկրաինայում Ռուսաստանի ագրեսիվ ռազմական գործողությունների պատճառով։ Ազգային բանկը նաև հանձնարարել է վրացական ֆինանսական հատվածի ներկայացուցիչներին կատարել պատժամիջոցներով ստանձնած պարտավորությունները։

Ազգային բանկի հիմնական խնդիրներից է ֆինանսական հատվածի կայունության ապահովումը։ Այս մանդատի համաձայն՝ ֆինանսական հատվածում ավանդատուների շահերի պաշտպանությունը մեր առաջնահերթ խնդիրն է։ Այսօրվանից «ՎՏԲ Բանկ Վրաստան»-ի ֆիզիկական անձանց կսպասարկի «Բազիսբանկ»-ը: Փոխադրման աշխատանքները մեկնարկել են, և երկուշաբթի օրվանից Բազիսբանկը ՎՏԲ Բանկի մասնաճյուղերում կսպասարկի անհատ ավանդատուներին և վարկառուներին։ Բոլոր ավանդատուների շահերը պաշտպանված կլինեն, իսկ պահանջները լիովին կբավարարվեն։

Մենք կրկնում ենք, որ Ազգային բանկը միշտ գործում է միջազգային բանաձևերով սահմանված չափանիշներին համապատասխան և այդ պայմաններում կատարում է իր առաջնահերթ խնդիրներից մեկը՝ լինել Վրաստանի ֆինանսական հատվածում յուրաքանչյուր ավանդատուի պաշտպանության երաշխավորը», – ասվում է հայտարարությունում։