Էկատերինե Տիկարաձեն ութ միավոր արտաճանապարհային «Մերսեդես» մակնիշի ավտոմեքենա է հանձնել Արտակարգ իրավիճակների համակարգման և շտապ օգնության կենտրոնի Բաթումիի տարածաշրջանային ծառայությանը:

Մեքենաները գնվել են առողջապահության նախարարության կողմից: Հատուկ մեքենաներ են հանձնվել նաեւ Քոբուլեթիի շրջանային ծառայությանը:

«Ինձ հաճելիորեն զարմացրեց, այս մեքենաներն ամենաբարձր որակի են, մենք Վրաստանում նման սարքավորումներով շտապ օգնության մեքենաներ չենք ունեցել, դրանք գրեթե հավասար են ռեանոմոբիլների», – ասել է Էկատերինե Տիկարաձեն:

Էկատերինե Տիկարաձեն նախարարության հիմնական առաջնահերթություններից է անվանել Արտակարգ իրավիճակների համակարգման և շտապ օգնության կենտրոնի տարածքային ծառայությունների ուժեղացումը: Աջարիայի դժվարին տեղանքով արտաճանապարհային հատուկ մեքենաները էլ ավելի կբարելավեն բնակչությանը շտապ օգնության ծառայությունների մատուցումը:

Եվս մեկ նորույթը կվերաբերի շտապ օգնության անձնակազմի աշխատանքային միջավայրի բարելավմանը: Ժամանակակից և հագեցած պայմաններում աշխատանքն ապահովելու համար կառավարության համաձայնությամբ նախատեսվում է կառուցել շտապ օգնության նոր գրասենյակներ Աջարիայի շրջանի Խուլո և Քեդա գյուղերում: Բաթումիում՝ Հանրապետական ​​հիվանդանոցի նախկին շենքի տարածքում, կկառուցվի Բաթումիի շտապ օգնության նոր գրասենյակ: