«Բարգավաճ Հայաստան» կուսակցության առաջնորդ Գագիկ Ծառուկյանի կողմնակիցները հավաքվել են ՀՀ Ազգային անվտանգության ծառայության շենքի դիմաց:

Նրանք պահանջում են երկրի վարչապետ Նիկոլ Փաշինյանի հրաժարականը:

Ազգային անվտանգության ծառայության շենքի դիմաց մոբիլիզացված է ոստիկանությունը:

Իրավապահները հավաքվածներին հորդորում են հետևել բժիշկների հանձնարարականներին և պահպանել երկմետրանոց հեռավորություն:

Տեղական մամուլի փոխանցմամբ, ոստիկանությունը լրագրողներին թույլ չի տվել մոտենալ ցուցարարներին:

Տեղեկացնենք, որ «Բարգավաճ Հայաստան» կուսակցության առաջնորդ Գագիկ Ծառուկյանն Ազգային անվտանգության ծառայություն է կանչվել հարցաքննության:

Համաձայն տարածված վարկածի՝ Ծառուկյանին մեղադրում են ընկերությունների ապօրինի գործողությունների մեջ, կուսակցության ղեկավարն ինքը հերքում է մեղադրանքը և հայտարարում, որ գործը քաղաքական դրդապատճառ ունի:

Հեղինակ՝  Անժելլա Սարոյան