Վրաստանում առևտրային բանկերը խստորեն գործում են միջազգային բանաձևերով սահմանված չափանիշներին և պատժամիջոցներին համապատասխան,- ասվում է Վրաստանի բանկային ասոցիացիայի հայտարարության մեջ։

«Մենք միանում ենք Վրաստանի Ազգային բանկի հայտարարությանը և Բանկային ասոցիացիայի անունից նշում ենք, որ.

Վերջին օրերին ռուսական տարբեր ալիքներով տեղեկություն է տարածվել, որ Ազգային բանկը սահմանափակումներ չի դնում պատժամիջոցների տակ գտնվող ֆինանսական հաստատությունների նկատմամբ։ Սա սուտ է և այն պատերազմի ու ագրեսիայի մի մասն է, որն այսօր տեղի է ունենում Ուկրաինայում։

Վրաստանում առևտրային բանկերը խստորեն գործում են միջազգային բանաձևերով սահմանված չափանիշներին և պատժամիջոցներին համապատասխան։

Բանկային ոլորտը երկրի առաջատար ոլորտն է, որի հզորության և կայունության որոշիչ գործոններից է տարիների ընթացքում միջազգային նորմերի, գործելակերպի և չափանիշների խստորեն պահպանումը:

«Այսօր, երբ ողջ Վրաստանը կանգնած է ուկրաինացի ժողովրդի կողքին և աջակցում է նրա արդար պայքարին հանուն ժողովրդավարական արժեքների, կարևոր է կանխել ապատեղեկատվությունն ու կեղծ տեղեկատվության տարածումը»,- ասվում է Վրաստանի Բանկային ասոցիացիայի հայտարարության մեջ։