Մենք գործելու ենք մեր հասարակության շահերից ելնելով, նստելու ենք բանակցությունների սեղանի շուրջ, – այս մասին հայտարարել է խորհրդարանի իրավաբանական հարցերի հանձնաժողովի նախագահ, Անրի Օխանաշվիլին:

Նրա խոսքով, իշխող թիմը չի գնա բանակցային գործընթացում հանրային շահի և ժողովրդի ընտրության դեմ:

«Մենք լավ գիտակցում ենք մեր պատասխանատվությունը մեր ժողովրդի և մեր երկրի առջև: Մենք գործելու ենք մեր հասարակության շահերից ելնելով, նստելու ենք բանակցությունների սեղանի շուրջ, սակայն որո՞նք կլինեն հակադիր դիրքերը, ի՞նչը կլինի փոխզիջման առարկա, և որտե՞ղ է սահմանը մեր հասարակության շահերը պաշտպանելու և դրանք անտեսելու միջև, դա մեզ համար ճակատագրական կլինի: Մենք ոչ մի դեպքում չենք գործելու մեր հասարակության շահերի դեմ: Մենք իրավունք չունենք դեմ գնալու մեր ժողովրդի ընտրությանը:

Բանակցությունների սեղանի շուրջ նստելուց առաջ մենք նախապես որևէ հարց չենք բարձրացնում, որպեսզի այն չընկալվի որպես վերջնագիր, քանի որ դա կխոչընդոտի բանակցությունների անցկացմանը: Այստեղ հիմնական և որոշիչ կլինի այն, որ մենք գործենք, մեզ համար մեկնարկային սկզբունքը կլինի մեր երկրի և հասարակության շահը», – ասել է Անրի Օխանաշվիլին: