Բավականին սուր ձևով ենք բանակցություններում բարձրացրել Բաշարաուլիի, Օթխոզորիայի և Տատունաշվիլու գործերի արդարադատության իրականացումը և մեղավորներին պատժելը,- այս մասին Առաջին ալիքին է հայտնել Վրաստանի արտաքին գործերի նախարարի տեղակալ Դավիթ Դոնդուան՝ Ժնևի միջազգային բանակցությունների ավարտից հետո:

Ինչպես նշել է Դոնդուան, «նրանց արձագանքը եղել է այնքան ցինիկ, ինչպես է նախկինում էր և ինչպես միշտ»:

«Նրանցից որևէ նոր բան չենք լսել: Անկեղծ ասած, որևէ ակնկալիք չունեինք: Մեկ անգամ ևս տեսան բոլորը, որ այս հարցերը կարևոր են և մինչ այս հարցերը չստանան պատասխան և չվերականգնվի արդարադատությունը, մինչ այդ դժվար է խոսել առաջընթացի և կոնֆլիկտների լուծման ուղղությամբ դրական միտումների մասին»,- հայտարարել է Դոնդուան:

Նրա խոսքով, այսօր զրուցել են նաև 2008 թվականի օգոստոսի 12-ի համաձայնագրի կատարման շուրջ:

Ժնևում ավարտվել է միջազգային բանակցությունների 45-րդ փուլը: