Բաղդաթին Սաիրմեի հետ կապող ճանապարհն ամբողջությամբ մաքրվել է, Ներգեետի գյուղում մեկ անհետ կորածի որոնումները շարունակվում են [ֆոտոշարք]

10:11, 08.02.2024

Բաղդաթին Սաիրմե հանգստավայրին միացնող ճանապարհը, որտեղ տեղի էր ունեցել սողանքը, ամբողջությամբ մաքրվել է։ Այս մասին հայտնում է Վրաստանի Առաջին ալիքի լրագրողը։

Խանիսկալի գետի երկու ափերին փրկարարական աշխատանքները շարունակվում են։ Փրկարարները դեռ փորձում են գտնել մեկ անհետ կորածի։

Տեղում աշխատում են ինչպես ծանր տեխնիկա, այնպես էլ կենդանի ուժ։

Բաղդաթի Ներգեետի գյուղում սողանք է տեղի ունեցել, 4 տուն ավերվել։ Փրկարարները տներից մեկի փլատակներից դուրս են բերել մեկ անձի, ով տեղափոխվել է կլինիկա: Մինչ այժմ փրկարարները աղետի գոտում հայտնաբերել են ութ դի։

Հեղինակ - edgar barsegyan

Շրջաններ