Բաչո Դոլիձեն հայտարարում է, որ աշխատանքային խմբի նիստում պայմանավորվել են կուսակցության նախագահի ընտրությունն անցկացնել էլեկտրոնային եղանակով
«Ազգային շարժման» անդամ Բաչո Դոլիձեի խոսքով, աշխատանքային խմբի այսօրվա նիստում իրենք պայմանավորվել են, որ կուսակցության նախագահի ընտրությունը պետք է անցկացվի էլեկտրոնային եղանակով։
Բացի այդ, Բաչո Դոլիձեն բացատրում է, որ քաղխորհուրդը կքննարկի վերջնական տարբերակը և կորոշի ընտրությունների կարգն ու ձևաչափը։
«Այսօր մենք պայմանավորվեցինք, որ նշված ընտրությունները պետք է անցկացվեն էլեկտրոնային եղանակով։ Սա շատ կարևոր է և նշանակում է, որ շատ մարդիկ հնարավորություն կունենան մասնակցել ընտրություններին։ Իհարկե, կլինեն ինչ-որ ֆիլտրեր, որոնք թույլ կտան կանխել մանիպուլյացիաները, բայց ես վստահ եմ, որ այս գործընթացը լինելու է շատ բաց, հրապարակային և մասշտաբային։ Ակնկալիքները բավականին մեծ են։ Մնացած հարցերի վերաբերյալ քննարկումը կշարունակվի աշխատանքային խմբում։ Վերջնական տարբերակը քննարկում է Քաղաքական խորհուրդը։ Դրանից հետո նա արդեն որոշում կկայացնի՝ ինչ կարգով և ինչ կազմով կանցկացվեն ընտրությունները»,- նշել է Բաչո Դոլիձեն։