Ըստ «Ազով» գումարտակի մարտիկների՝ ռուսները ռմբակոծել են Մարիուպոլի «Ազովստալ» գործարանի տարածքում գտնվող հիվանդանոցը, կան զոհեր և վիրավորներ։ Նշված տեղեկությունը սոցցանցում տարածել են «Ազովի» մարտիկները։

«Ամբողջ գիշեր ռուսները զանգվածաբար ռմբակոծել են Մարիուպոլի «Ազովստալ» գործարանի տարածքում գտնվող ռազմադաշտային հոսպիտալը վիրավոր բազմտոննա արկերով, որտեղ պահվում են վիրավոր պաշտպանները։ Այնուհետև նրանք շարունակեցին ռմբակոծել ավերակները ռազմածովային հրետանու միջոցով: Հակառակորդի հարձակման հետևանքով շենքի մի մասը փլուզվեց, այդ թվում՝ վիրահատարանը՝ անհնարին դարձնելով մեր զինվորներին օգնելը», – ասվում է հայտարարության մեջ:

Հայտարարության մեջ ասվում է նաև, որ արդեն վիրավորված մարտիկների թվում կան զոհեր և վիրավորներ։ Միևնույն ժամանակ, «Ազովի» մարտիկներն ընդգծել են, որ Ժնևի կոնվենցիան նախատեսում է ստացիոնար և շարժական բժշկական հաստատությունների պաշտպանություն և չպետք է հարձակման ենթարկվեն։

«Վիրավորներն ու հիվանդները պետք է պաշտպանված լինեն՝ անկախ նրանից՝ քաղաքացիական անձինք են, թե զինվորականներ։ Վիրավորներին պետք է ցուցաբերել անհրաժեշտ օգնություն՝ առանց խտրականության»,- նշել են գնդից։

Զինյալները կոչ են արել միջազգային իրավապաշտպան կազմակերպություններին «արձագանքել այն փաստին, որ Ռուսաստանը շարունակում է ոչնչացնել Մարիուպոլի պաշտպաններին, ովքեր այլևս չեն կարողանում զենք կրել»։

Ըստ տեղեկությունների՝ Մարիուպոլի «Ազովստալ» գործարանի տարածքում զոհվել է մինչև 1000 խաղաղ բնակիչ և ուկրաինացի զինվոր, որոնցից մոտ 500-ը վիրավորվել են։