Ըստ «Ազովի լեգեոնի» ղեկավար Սվյատոսլավ Պալամարի, «Ազովստալ» գործարանը ռմբակոծվում է, և ռուսներն օգտագործում են իրենց ունեցած բոլոր զենքերը, բացի միջուկային զենքից:

Նրա խոսքով՝ «Ազովստալ» գործարանը գրեթե ամբողջությամբ ռմբակոծված է։

«Մենք ունենք բարոյականություն, սկզբունքներ, մենք չենք խախտում պատերազմի օրենքներն ու կանոնները։ Մենք դիմեցինք ողջ աշխարհին, բոլորին, ովքեր կարող են ամեն ինչ անել վիրավորներին տարհանելու, զոհերին տարհանելու, նրանց դիակները ընտանիքներին հանձնելու և զինվորական պատվով հուղարկավորելու համար։ Մինչ այժմ դրա համար ոչինչ չի արվել։ Մենք շարունակելու ենք պայքարել և օգտագործել մեր ունեցած բոլոր փամփուշտները։ Մենք ամբողջությամբ չգիտենք իրավիճակը, բայց «Ազովստալ» գործարանը գրեթե ամբողջությամբ ռմբակոծված է։ Այնտեղ մարդիկ ավերակների տակ են։ Մենք նրանց դուրս ենք բերում», – «Ազատություն» ռադիոկայանի ուկրաինական ծառայությանը ասել է Սվյատոսլավ Պալամարին։

Հիշեցնենք, որ վերջերս հաղորդվել էր նաև, որ ռուսական օկուպացիոն ուժերը ռմբակոծել են Մարիուպոլի «Ազովստալ» շրջանում գտնվող հիվանդանոցը։