Ազգային վիճակագրական ծառայության հաստատված տվյալների համաձայն՝ 2023 թվականին Վրաստանում կատարված ուղղակի օտարերկրյա ներդրումների ծավալը կազմել է 1 902,2 մլն. ԱՄՆ դոլար, ինչը 15,6 տոկոսով պակաս է 2022 թվականի համապատասխան ցուցանիշից և 19,3 տոկոսով բարձր 2023 թվականի նախնական տվյալներից։

Ըստ Ազգային վիճակագրական ծառայության օտարերկրյա ուղղակի ներդրումները բաշխվել են հետևյալ բաղադրիչների համաձայն՝ ընդհանուր ծավալից 1,21 մլրդ դոլարը կազմել է բաժնետիրական կապիտալը, իսկ 83,7 մլն դոլարը՝ վերաներդրումները։ Բաժնետիրական կապիտալի ծավալը 50,7%-ով բարձր է նախորդ տարվա ճշգրտված ցուցանիշից։

Ինչ վերաբերում է ներդրող երկրներին, ապա ներդրող երկրների առաջին տասնյակը հետևյալն է.

Նիդեռլանդներ – 386,3 մլն ԱՄՆ դոլար; Միացյալ Թագավորություն – 364,3 մլն ԱՄՆ դոլար; ԱՄՆ – 182,2 մլն ԱՄՆ դոլար; Թուրքիա – 109,5 մլն ԱՄՆ դոլար; Ռուսաստան – 103,3 մլն ԱՄՆ դոլար; Չինաստան – 98,4 մլն ԱՄՆ դոլար; Մալթա – 97,4 մլն ԱՄՆ դոլար; Ադրբեջան – 90,3 մլն ԱՄՆ դոլար; Ճապոնիա – 69,4 մլն ԱՄՆ դոլար; Շվեյցարիա – 41,9 մլն ԱՄՆ դոլար.

Ըստ տնտեսության ճյուղերի բաշխվածության՝ ամենամեծ ներդրումը կատարվել է ֆինանսական և ապահովագրական ոլորտում։ Երկրորդ տեղում է առևտրի ոլորտը, երրորդում՝ մշակող արդյունաբերության ոլորտը։