Վրաց ժողովրդի հաղթանակի ժամանակն է, ձեր հաղթանակի ժամանակը: Այո, Թբիլիսին մեր պայքարի առաջին գծում է Վրաստանը վերադարձնելու հանրաքվեի ժամանակ, – շնորհանդեսի ժամանակ ասաց «Ազգային շարժման» նախագահ Նիկա Մելիան:

Նիկա Մելիան հայտարարել է, որ ինքնակառավարման մարմինների ընտրություններում ինքը լինելու է Թբիլիսիի քաղաքապետի թեկնածու, Էլենե Խոշտարիան՝ սակրեբուլոյի նախագահի թեկնածու, իսկ «Գիրչի-ավելի շատ ազատության» առաջնորդ Զուրաբ Ջափարիձեն` փոխքաղաքապետի թեկնածու:

«Այսօր ես շատ ավելի լավ եմ հասկանում, թե ինչ է անարդարությունը: Այսօր, ինչպես երբեք, ես հավատում եմ, որ մենք կկարողանանք պաշտպանել Վրաստանի բոլոր քաղաքացիներին անարդարությունից: Վրաց ժողովրդի հաղթանակի ժամանակն է, ձեր հաղթանակի ժամանակը: Այո, Թբիլիսին մեր պայքարի առաջնագծում է Վրաստանը վերադարձնելու հանրաքվեի ժամանակ: Հանրաքվեին, երբ յուրաքանչյուր քաղաքացի պետք է հրաժարվի օլիգարխիայից, կոռուպցիայից, ագահությունից, անտարբերությունից և ոչ պրոֆեսիոնալիզմից: Թբիլիսիի հաղթանակը Վրաստանի հաղթանակն է, իսկ Վրաստանի հաղթանակը՝ Թբիլիսիի: Եկել է ժամանակը, որ Թբիլիսիի քաղաքապետը հպարտորեն շրջի Թբիլիսիի փողոցներով և կարողանա բարձրաձայն ասել, որ ես ծառայում եմ Թբիլիսիին՝ Թբիլիսիին, որն ավելին է, քան քաղաքականությունը: Թբիլիսին ինձ համար շատ ավելին է, քան քաղաքականությունը», – ասաց Նիկա Մելիան: