«Ազգային շարժումը» խորհրդարան է հրավիրում ԱԳ նախարար Դավիթ Զալկալիանիին: Այդ մասին հայտարարություն է տարածել «Միացյալ ազգային շարժում-ուժը միասնության մեջ է» խմբակցության անդամ Թինա Բոկուչավան։

Միաժամանակ, Բոկուչավան ասել է, որ ամեն ինչ կարվի Սաակաշվիլիի նկատմամբ հետաքննող խորհրդարանական հանձնաժողով ստեղծելու համար։

«Այսօր բյուրոյում շատ կարեւոր հարց է քննարկվում, դա Վրաստանի խորհրդարանում նախագահ Սաակաշվիլիի նվաստացման եւ անմարդկային վերաբերմունքի հետաքննող հանձնաժողովի ստեղծման հարցն է։ Մենք ամեն ինչ անելու ենք այս հանձնաժողովը ստեղծելու համար։ Սա առաջնահերթություն է «Միացյալ ազգային շարժման» համար, ուստի մենք կշարունակենք խորհրդակցել ընդդիմադիր մյուս կուսակցությունների հետ: Բացի այս կարևոր նախաձեռնությունից, մենք ունենք մի քանի նախաձեռնություններ։ Մեկը արտաքին գործերի նախարար Դավիթ Զալկալիանիին արտաքին հարաբերությունների կոմիտեի հաջորդ նիստին հրավիրելն է։

Ուկրաինայում ռուսական ագրեսիայի և Արևմուտքից զսպվածության նոր ճարտարապետության ֆոնին տարածաշրջանում նոր իրողություն է ստեղծվում, և սա մեծ հնարավորություն է, որը պետք է օգտագործի Վրաստանը։ Բայց, ցավոք, մենք տեսնում ենք իշխանության կատարյալ անգործություն։ Ուստի, ինչպես բանաձեւի, այնպես էլ Ուկրաինա այցի դեպքում, այս դեպքում եւս ընդդիմությունն է, որ պետք է ստանձնի իշխանության գործառույթը և ընդդիմությունն է, որ պետք է պաշտպանի երկրի ազգային շահերը։

Մենք պահանջում ենք, որ Զալկալիանին ներկայանա կոմիտե՝ նախ և առաջ քննարկելու Հյուսիսի, Բալթյան և Սև ծովի միջև համագործակցության նոր ձևաչափին Վրաստանի միանալու հեռանկարը։ Ինչպես հայտարարել է Ուկրաինայի արտաքին գործերի նախարարը, սա տարածաշրջանում բարգավաճման և անվտանգության նոր գոտի ստեղծելու փորձ է, և Վրաստանը պետք է կարողանա օգտագործել անվտանգության և բարգավաճման այդ գոտին։ Սա ՆԱՏՕ-ին և Եվրամիությանն այլընտրանք չէ, բայց, ինչպես նա պարզաբանել է, հնարավորություն է անվտանգության և բարգավաճման հասնել նույնիսկ մինչև ՆԱՏՕ-ին և Եվրամիությանն անդամակցելը»,- ասել է Թինա Բոկուչավան։