Փոթիի քաղխորհրդի «Ազգային շարժում» խմբակցության փոխնախագահ Դավիթ Խոմերիկն ասում է, որ Դարեջան Ցխվիտարիային և Պաատա Չագանավային պաշտոններից հեռացնելու որոշումը կայացվել է խմբակցությունում նրանց պասիվության և խմբակցության նիստերին չներկայանալու պատճառով։

Ինչպես նշում է Դավիթ Խոմերիկը, Դարեջան Ցխվիտարիան հաճախ էր հրապարակում դիրքորոշումներ ու հայտարարություններ՝ չհամաձայնելով թիմի հետ։

«Խմբակցությունում անհրաժեշտ է կազմակերպված աշխատանք՝ ավագանու նիստերին արդյունավետ լինելու համար։ Բոլորի համար էլ պարզ է, թե որքան դեր է վերապահված խմբակցության նախագահին: Երկու տարի է այս տիկինը խմբակցության նախագահ է, բայց ոչ մի օր չի կարողացել խմբակցությունում աշխատել։ Մենք տեղյակ ենք նրա բազմաթիվ ոչ կոռեկտ հայտարարությունների մասին, բայց մենք մեր ձայնը չենք բարձրացրել։ Այս տիկնոջը մենք դիտարկում ենք արդեն երկու տարի, բայց այն բանից հետո, երբ նա խմբակցության անունից հայտարարություն արեց, չհամաձայնելով խմբակցության մեծամասնության հետ, գրեցինք նրան, նշանակեցինք խմբակցության նիստ, խնդրեցինք գալ այս թեմաների շուրջ խոսելու, բայց այստեղ էլ մեզ անտեսեցին։ Հանդիպել է խմբակցությունը և մեծամասնությամբ փոփոխություններ են կատարվել։ Նույնը կարող եմ ասել նրա տեղակալ Պաատա Չագանավայի մասին։ Սուբյեկտիվ կամ օբյեկտիվ պատճառներով նա չկարողացավ մասնակցել խմբակցության աշխատանքներին, նույն պատճառով էլ նրան փոխարինեցինք»,- ասաց Դավիթ Խոմերիկը։

Փոթիի քաղաքային խորհրդի «Ազգային շարժում» խմբակցության նախագահ Դարեջան Ցխվիտարիան և նրա տեղակալ Պաատա Չագանավան ազատվել են զբաղեցրած պաշտոններից